Sérstakur saksóknari stendur sig vel

Það er engin elsku mamma hjá sérstökum saksóknara þegar hann fer í gang.  Sigurður Einarsson hefði betur svarað boðun og mætt af fúsum og frjálsum vilja í yfirheyrslu en að láta stimpla sig meðal mestu glæpamanna heims og láta lýsa eftir sér hjá Interpol.  Sigurði er náttúrulega ljóst að hann verður handtekinn og krafist gæsluvarðhalds yfir honum eins og Magnúsi og Hreiðari. 

Til hvers hann er að reyna að komast hjá handtöku er stór spurning og rannsóknarefni hvað hann hefur verið að fást við síðan félagar hans voru handteknir fyrir helgi.

Interpol lýsir eftir Sigurði

Athugasemdir

[Hamarinn, 11.5.2010 kl. 21:44]

Það þarf ekkert að stimpla hann sem einn af mestu glæpamönnunum. Hann er það.

[árni (IP-tala skráð) 11.5.2010 kl. 21:50]

sérstakur að standa sig vel þrátt fyrir áreiti áhangenda elitunnar einsog Sigurðar G Guðjónssonar,Hannesar Hólmsteins,Ólafs Arnarsonar og fleiri sem orðið hafa sér til skammar og lítillækkunar eftir að áþreifanlega fór að koma í ljós að ekki er ætlunin að láta þessa glæpi fyrnast.nú allt í einu eru gæsluvarðhaldsúrskurðir orðnir ómanneskjulegir...hvað hefur breyst í vistun gæsluvarðhaldsfanga hafa þessir fylgjendur efnahagsglæpa ekki upplýst ennþá....og svo náttúrulega brást hæstiréttur Sigurði Einarssyni gjörsamlega,en það er nú annað mál.

[Þorgeir Ragnarsson (IP-tala skráð) 11.5.2010 kl. 22:03]

Það er möguleiki að maðurinn ætli að svipta sig lífi, þó það sé ólíklegt. Það væri slæmt, ekki vegna þess að það sé missir að honum, heldur vegna þess að þá er ekki hægt að yfirheyra hann um fall Kaupþings. Siðleysingjar sem hafa málað sig út í horn hafa áður valið þá leið út...

[Jón Óskarsson, 11.5.2010 kl. 23:44]

Ég sé ekki nokkurn einasta mun á því að bankamaður sitji í gæsluvarðhaldi eða hvort það er handrukkari, dópsali eða af öðrum ástæðum.  Það hefur hingað til ekki tíðkast að vorkenna mönnum mikið að sitja í gæsluvarðhaldi né verið talið ómanneskjulegt.  Það er algjör hræsni að ætla að fara eitthvað að væla út af því að þessir menn sem nú er verið að handtaka fyrir stórfellda fjármálaglæpi séu látnir dúsa í gæsluvarðhaldi.  Það er einmitt í svona málum sem nauðsynlegt er að aðskilja menn þannig að ekki sé verið að samræma framburð.  Gallinn er hins vegar sá að þessir menn hafa haft hátt í 2 ár til að undirbúa sig og tala saman um hvernig bregðast skuli við aðstæðum sem nú eru komnar upp.