Gjaldeyrislög

Mér er spurn af hverju viðkomandi maður var ekki snarlega handtekinn og settur í gæsluvarðhald.  Það er alveg ljóst að hann var að gerast brotlegur við gjaldeyrislög með þessum væntanlegu viðskiptum í skjóli myrkurs.   Því miður er og verður örugglega mikið um svona viðskipti hér á landi meðan hin að svo mörgu leiti furðulegu lög um gjaldeyrishöft eru í gildi.  Þessi viðskipti minna óneitanlega á það sem algengt var fyrir austan járntjald á sínum tíma þegar hagkvæmt var að selja dollara í skiptum fyrir gjaldeyrir viðkomandi lands á svörtum markaði.  Það var að sjálfsögðu jafn ólögleg og það sem gerðist í gærkvöldi.

Hins vegar er það alveg ljóst að gera þarf breytingar á gjaldeyrislögunum til þess að koma í veg fyrir brask utan markaða með gjaldeyri og auk þess væri í lagi að slaka aðeins á hömlum á hinn almenna borgara.  Afar og ömmur geta ekki fengið að taka út seðla í erlendri mynt til að senda barnabörnum sínum í jóla- eða afmælisgjafir.  Framvísa þarf farseðli ef kaupa á gjaldeyri og skiptir þá engu hvort menn ætla að kaupa fyrir fáeinar krónur eða fullnýta heimild til kaupa.   Þarna er eins og í svo mörgu þessa dagana algjörlega rangt gefið.

Grímuklæddir menn rændu gjaldeyri

Athugasemdir

[Sigurður Helgason, 16.12.2009 kl. 20:37]

Enda var þetta gott á hann og það á ekki einu sinni að leita að þjófunum,

þeir unnu þjóð þrifa verk. um leið og þeir redduðu sér gjaldeyrir fyrir hverju ???????

verða teknir þegar þeir flytja það inn

[Jón Óskarsson, 16.12.2009 kl. 22:53]

He he já líklega.  En þjófur sem rænir annan þjóf er svo sem ekkert minni þjófur en sá fyrri, enda eins og lögreglan lét hafa eftir sér þá verða "allar hliðar þessa máls kannaðar" :)  

En samt svolítið gaman að svona broslegum fréttum.