Dæmigert fyrir skattpíningarflokkinn

"Að sjálfsögðu" leggur fulltrúi Vinstri-grænna í borgarstjórn það til að skattar séu hækkaðir á íbúa borgarinnar.  Það er alveg með ólíkindum hvað þessi flokkur nýtur þess að skattpína þegna landsins.

Vill hámarksútsvar í Reykjavík

Athugasemdir

[óli (IP-tala skráð) 1.12.2009 kl. 21:02]

Og hverjum er þetta nú að kenna? Hvaða glæpagengi stjórnaði hér öllu til helvítis?? Hverjir gáfu td bankana til glæpamanna?

[Jón Óskarsson, 1.12.2009 kl. 21:40]

Þarna var ég að vísa til útsvarsákvörðunar sveitarfélags.  Það er ekki það sama og ríkið og því ekki mikil rök að kenna um einhverjum ríkisstjórnum.  En ef tala á um flokka sem komið hafa að stjórn landsins þá ber Samfylkingin þar mjög mikla ábyrgð, enda er það svo að sá flokkur keppist nú við að koma á 80 ára leynd á væntanlega skýrslu Rannsóknarnefndar Alþingis.   Hvar voru ráðherrar Samfylkingar frá því í maí 2007 og fram til október 2008 ?  Annað hvort sofandi eða uppteknir af framboði til Öryggisráðs Sameinu þjóðanna. 

[Rabbi (IP-tala skráð) 2.12.2009 kl. 00:05]

hvaða væl er þetta í Reykvíkingum "Welcome to Iceland"

við sem búum út á landi höfum flest þurft að búa við að hafa útsvarið í botni í okkar sveitarfélögum, svo búum við við mun lakari þjónustu. og ekki höfum við verið að væla.

það á bara að gera Reykjavík að borgarríki og stöðva peningaflæðið suður. við eigum ekki að vera alltaf að halda Reykjavík uppi.

[Jón Óskarsson, 2.12.2009 kl. 11:18]

Ég kem sjálfur utan af landi eins og sagt er og hef fulla samúð með landsbyggðarsveitarfélögunum og íbúum þeirra.  Enda hef ég verið því fylgjandi að sveitarfélögin fái hlutdeild í Fjármagnstekjuskatti, en skattpíningarflokkurinn ætlar að hirða 80% hækkun þeirra gjalda að fullu í ríkissjóð í stað þess að nýta tækifærið og hlutfalla þennan skatt á milli tekjuskatts og útsvars.  Jafnvel þó farið væri í hæsta skattþrep samkv. skattatillögum þá væri það kostur, þ.e. hlutföllin væru 33/13,1 (eða 13,28 eftir atvikum).    Þannig fengi ríkið 12,885% og sveitarfélög 5,115% af þessum 18% skatti.

Eins hef ég bent á að með því að skattleggja inngreiðslur í lífeyrissjóði þá fái sveitarfélögin (öll) stórauknar tekjur.

Sem betur fer er það þannig að sum sveitarfélög, þó út á landi séu, eru með lægra útsvar en hámarkið og sum þeirra mun lægra en t.d. Reykjavík.  Á höfuðborgarsvæðinu er þessu mjög misskipt og sem dæmi þá er útsvarið langlægst í Garðabæ, en Hafnarfjörður og fleiri sveitarfélög fullnýta hámarksútsvar en Reykjavík nýtti ekki í fyrra þá hækkun sem gerð var á hámarkinu en var áður að fullnýta hámarkið.