Ýmsu haldið leyndu fyrir kosningar 2009

Fram yfir kosningar 2009 var því haldið leyndu fyrir þjóðinni og vel falið fyrir öðrum flokkum en SF og VG að viðræður væru komnar á fulla ferð til Breta og Hollendinga vegna Icesave.  Svo langt var þetta mál komið að það var varla búið að ganga frá stjórnarsáttmálanum eftir kosningarnar þegar komið var heim með fullgerðan, en skelfilegan samning.   Hætt er við því að úrslit hefðu farið á annan veg vorið 2009 ef kjósendur hefur haft grun um þetta sem og að VG hefði án efa ekki fengið jafnmikið af atkvæðum ef það hefði legið fyrir að VG ætlaði að samþykkja að sótt yrði um aðild að ESB strax þarna um sumarið 2009.

Fjármálaráðherra hefur oft haldið því fram að stjórnin sitji í umboði meirihluta kjósenda og ætli sér þess vegna að sitja út kjörtímabilið.   Það er frekar hægt að tala um vissa tegund "valdaráns" en að þessi úrslit hafi fengist lýðræðislega. 

Síðustu tölur úr skoðanakönnunum sýna að eftir því sem meira kemur í ljós af lygum og svikum SF og VG, ekki síst frá árinu 2009, þá hrynur fylgið og er nú í sögulegu lágmarki.

Sömdu fyrir kosningar

Athugasemdir

[Ásthildur Cesil Þórðardóttir, 31.10.2011 kl. 11:29]

Já var þetta ekki fólkið sem talaði sem mest um að allt ætti að vera upp á borðum. Og á meðan sópuðu þau stóru málunum UNDIR TEPPIÐ.

[Jón Óskarsson, 31.10.2011 kl. 11:53]

Jú nákvæmlega Ásthildur.   Ég held að hrúgan sem er undir teppinu hljóti að vera orðin svo stór að hún nái alla vega upp undir borðbrúnina :)   Þessi ríkisstjórn keppist við að halda sem flestum hlutum leyndum sem allra lengst og það er sí og æ verið að gera mis gáfulega hluti sökum þess að mönnum liggur svo á að koma í gegn pólitískum gæluverkefnum sem alls ekki þola utanaðkomandi gagnrýni eða ráðgjöf.

[Ásthildur Cesil Þórðardóttir, 31.10.2011 kl. 13:11]

Mikið rétt, og þau eru ófá slysin sem þau hafa valdið.  Og sumum þeirra tókst þjóðinni og forsetanum að bjarga fyrir horn á síðustu stundu. 

[Jón Óskarsson, 2.11.2011 kl. 06:06]

Já sem betur fer þá höfum við Forseta sem hefur vit fyrir þeim :)  Fyrir þær fjárhæðir sem Steingrímur hefði þurft að punga út núna á árinu 2011 vegna vaxta af Icesave hefði Ögmundur geta byggt 10 fullbúin fangelsi eins og hann er stefna að á Hólmsheiði.  Svo undarlegt sem það er þá eru ekki til peningar í bygginguna, en það var (og er ennþá) aldrei minnst á hvort peningar fyrir vöxtunum væru til.

[Ásthildur Cesil Þórðardóttir, 2.11.2011 kl. 10:53]

Nákvæmlega.  Og auðvitað vilja þau losna við forsetann sem fyrst.  Hann er þeim óþægilegur ljár í þúfu.