Heilbrigðisráðherra segi af sér

Hvar er siðferðið í Íslenskum stjórnmálum á hinu "nýja Íslandi" ?   Álfheiður Ingadóttir var einn af aðalhvatamönnum til árása á Alþingshús okkar Íslendinga.  Hún er síðan gerð að ráðherra í ríkisstjórn Íslands.  Nú þegar mál nokkurra aðila sem brutu sér leið inn í Alþingishúsið er tekið fyrir hjá Héraðsdómi kemur í ljós (sbr. fréttir á Bylgjunni áðan) að verjandi þessara manna er eiginmaður heilbrigðisráðherra.  

Hvað er í gangi hérna ? 

Núverandi stjórnarflokkar fengu meirihluta í lýðræðislegum kosningum og þjóðin situr uppi með þá flokka í ríkisstjórn og lítið við því að segja þar sem þeir fengu meirihluta þingmanna í þessum kosningum.   Ríkisstjórnin komst ekki til valda í gengum byltingu eins og sumstaðar hefur gerst út í heimi í gegnum tíðina.  Þar hefur það oft gerst að "byltingarforingjar" séu gerðir að helstu ráðamönnum viðkomandi þjóðar.   Þannig á það ekki að vera á Íslandi.

Mál mótmælenda þingfest

Athugasemdir

[GAZZI11, 21.1.2010 kl. 12:22]

Ætli það hafi verið "innanbúðarmaður/kona" með í ráðum og þá hugsanlega meðsekur þar með.

[Jón Óskarsson, 21.1.2010 kl. 12:38]

Við hvern eða hverja áttu Gazzi ?